Be·m platz lo gais temps de pascor,

Que fai foillas e flors venir;

E platz mi qand auch la baudor

Dels auzels que fant retentir

Lor chan per lo boscatge;

E plaz me qand vei per los pratz

Tendas e pavaillons fermatz;

Et ai gran alegratge,

Qan vei per campaignas rengatz

Cavalliers e cavals armatz.

Well pleaseth me the sweet time of Easter

That maketh the leaf and the flower come out.

And it pleaseth me when I hear the clamor

Of the birds, their song through the wood;

And it pleaseth me when I see through the meadows

The tents and pavilions set up, and great joy have I

When I see o’er the campagna knights armed and horses arrayed. 

E platz mi qan li corredor

Fant las gens e l'aver fugir,

E plaz mi, qan vei apres lor

Gran ren d'armatz ensems venir;

E platz me e mon coratge,

Qand vei fortz chastels assetgatz

E·ls barris rotz et esfondratz,

E vei l'ost el ribatge

Q'es tot entorn claus de fossatz,

Ab lissas de fortz pals serratz

And it pleaseth me when the scouts set in flight the folk with their goods;

And it pleaseth me when I see coming together after them a host of armed men.

And it pleaseth me to the heart when I see strong castles besieged,

And barriers broken and riven, and I see the host on the shore all about shut in with ditches,

And closed in with lisses of strong piles.

Et atressi·m platz de seignor

Qand es primiers a l'envazir

En caval armatz, ses temor,

C'aissi fai los sieus enardir

Ab valen vassalatge.

E pois que l'estorns es mesclatz,

Chascus deu esser acesmatz

E segre·l d'agradatge,

Que nuills hom non es ren prezatz

Troq'a mains colps pres e donatz.

Massas e brans, elms de color,

Escutz trancar e desgarnir

Veirem a l'intrar de l'estor,

E maint vassal essems ferir,

Don anaran aratge

Cavaill dels mortz e dels nafratz.

E qand er en l'estor intratz,

Chascus hom de paratge

Non pens mas d'asclar caps e bratz,

Car mais val mortz qe vius sobratz.

E·us dic qe tant no m'a sabor

Manjar ni beure ni dormir

Cuma qand auch cridar: "A lor!"

D'ambas las partz et auch bruïr

Cavals voitz per l'ombratge,

Et auch cridar, "Aidatz! Aidatz!"

E vei cazer per los fossatz

Paucs e grans per l'erbatge

E vei los mortz qe pels costatz

Ant los tronchos ab los cendatz.

Pros comtessa, per la meillor

C'anc se mires ni mais se mir

Vos ten hom e per la genssor

Dompna del mon, segon q'auch dir.

Biatritz d'aut lignatge,

Bona dona en ditz et en fatz,

Fons lai on sorz tota beutatz,

Bella ses maestratge,

Vostre rics pretz es tant poiatz

Qe sobre totz es enansatz.

Baron, metetz en gatge

Castels e vilas e ciutatz